Një nga telefonat më të famshëm të kompanisë gjigantë koreano jugore, Samsung, është Samsung Galaxy S8. Por sipas shifrave të shitjeve konstatohet se ky është telefoni më i kërkuar deri tani. Samsung ka zbuluar se shitjet e modeleve të reja të telefonave, përkatësisht versionet e avancuara të Galaxy S8 janë rreth 15% më të larta sesa ato të Galaxy S7.
Presidenti i Samsung Mobile, Dongjin Koh, pasi tha se Galaxy Note 8 do të bëhet zyrtar në fund të gushtit, publikoi dhe këto shifra.
Samsung Galaxy S8 dhe Galaxy S8 Plus kanë qenë modele shumë të njohura për Samsung dhe niveli i shitjeve deri në fund të vitit pritet të rritet akoma më shumë.
Sa për Galaxy Note 8, pritet që edhe ky fablet të jetë një pajisje popullore për Samsung, ndërkohë që do të debutojë zyrtarisht në SHBA, Mbretërinë e Bashkuar dhe Korenë e Jugut në shtator dhe më pas në më shumë vende të botës në tetor.
Discussion about this post