Një numër i vogël iPhone kanë një problem me audion, i cili krijon një tingull kërcitjeje gjatë thirrjeve telefonike.
Ky problem është shfaqur vetëm tek modelet e reja të iPhone 8, të cilët dolën në shitje këtë muaj dhe janë raportuar nga disa përdorues në forumet e MacRumors dhe ato të Apple.
Edhe kompania Apple e ka pranuar këtë problem, ndërsa ka siguruar se ekipi po punon për ta zgjedhur atë.
“Ne jemi në dijeni të problemi që ka prekur një numër të vogël konsumatorësh. Ekipi ynë po punon për të gjetur një zgjidhje e cila do të përfshihet një një përditësim,” është qëndrimi i kompanisë.
Sipas disa komenteve, problemi ndodh gjatë thirrjeve normale telefonike dhe thirrjeve të FaceTime.
Discussion about this post