Mbikëqyrësi i mbrojtjes së të dhënave në Mbretërinë e Bashkuar ka gjobitur Facebook me 500 mijë paund. Vendimi është marrë duke u bazuar në skandalin e të dhënave të Cambridge Analytica.
Zyra e Komisionerit të Informacionit (ICO) tha se Facebook kishte lejuar një shkelje serioze të ligjit.
Gjoba është maksimumi i lejuar sipas rregullave të mbrojtjes së të dhënave. ICO tha se Facebook u kishte dhënë zhvilluesve të aplikacioneve qasje në të dhënat e njerëzve pa pëlqimin e qartë të tyre.
Duke konfirmuar gjobën, thuhej në një deklaratë: “Në mes të 2007 dhe 2014, Facebook përpunoi të dhënat personale të përdoruesve në mënyrë të padrejtë, duke u lejuar zhvilluesve të aplikacioneve qasje në informacionin e tyre pa pëlqimin e mjaftueshëm të qartë dhe të informuar dhe duke lejuar qasjen edhe nëse përdoruesit nuk e kishin shkarkuar aplikacionin , por ishin thjesht “miq” me njerëzit që kishin.”
“Facebook gjithashtu dështoi të mbajë të dhënat personale të sigurta sepse nuk arriti të bëjë kontrolle të përshtatshme për aplikacionet dhe zhvilluesit që përdorin platformën e saj.”
Facebook tha se ishte duke shqyrtuar vendimin e ICO.
“Ndërsa ne me respekt nuk pajtohemi me disa nga gjetjet e tyre, ne kemi thënë më parë se ne duhet të kishim bërë më shumë për të hetuar pretendimet për Cambridge Analytica dhe për të ndërmarrë veprime në 2015”, thuhej në një deklaratë.
Cili ishte skandali i të dhënave të Cambridge Analytica?
Studiuesi Dr. Aleksandr Kogan dhe kompania e tij GSR kanë përdorur një kuiz personal për të marrë të dhënat e Facebook-ut për 87 milionë njerëz.
Disa nga këto të dhëna u ndanë me Cambridge Analytica, e cila e përdori atë me qëllim reklamat politike në SHBA.
“Edhe pas zbulimit të keqpërdorimit të të dhënave në dhjetor 2015, Facebook nuk bëri mjaftueshëm për të ndërmarrë veprime korrigjuese adekuate duke përfshirë fshirjen,” tha ICO./ TIRANA TODAY
Discussion about this post