Facebook-u njoftoi së fundmi se llogaritë e ish-Presidentit Donald Trump do të pezullohen për dy vjet, duke ngrirë praninë e tij në rrjetin social deri në fillim të vitit 2023, me pretendimin që Trump nxiti dhunën e kryengritjes me pasojë vdekjen e një personi më 6 janar në Kapitol.
Në fund të pezullimit, kompania do të konsiderojë nëse “rreziku i sigurisë publike” tek Trump është zhdukur, siç shkruan në një postim në blog Nick Clegg, nënkryetari i çështjeve globale të Facebook-ut. Ai tha se Facebook-u do të marrë parasysh “faktorët e jashtëm” siç janë rastet e dhunës, kufizimet në takimet paqësore dhe tregues të tjerë të trazirave civile./Tirana Today
