Ray Kurzweil: Njerëzit do të jenë hibridë deri në vitin 2030

Shefi i inxhinierisë së Google, Ray Kurzweil e bëri këtë deklaratë në konferencën “Exponential Finance” në Nju Jork.

Sipas tij,truri ynë do të jetë në gjendje të lidhet drejtpërdrejt me ‘cloud'(sistemin), ku do të ketë mijëra kompjuterë, dhe ata kompjuterë do të rrisin inteligjencën tonë ekzistuese. Ai tha se truri do të lidhet përmes nanobotave – robotë të vegjël të bërë nga fijet e ADN -së.Ne gjithashtu do të jemi në gjendje te bejme plotësisht back up trurin tonë.

Kurzweil, i cili njihet si një nga inovatoret kryesorë në botë, ka parashikuar se si do të duket e ardhmja. Në vitet ’90, ai bëri 147 parashikime për vitin 2009. Në vitin 2010, ai rishikoi parashikimet e tij, 86% e të cilave ishin të sakta. Ai i dha vetes një notë “B”.

Parashikimet e tij të sakta përfshinin që njerëzit do të përdornin kompjuterë portativë në vitin 2009, se kabllot do të zhdukeshin dhe se ekranet e kompjuterit do të ndërtoheshin në syze.