Microsoft do të zëvendësojë dhjetëra gazetarë të faqes së tij MSN me sisteme automatike që do të përzgjedhin lajmet.
Aktualisht, përzgjedhja e lajmeve nga agjencitë mediatike dhe vendosja e titujve dhe fotove në faqen e MSN bëhet nga gazetarë, mirëpo pas disa ditësh kjo gjë do të realizohet nga inteligjenca artificiale.
“Si çdo kompani, ne vlerësojmë punën tonë herë pas here. Kjo gjë çon në rritje të investimeve në disa sektorë dhe ndonjëherë në shkurtim vendesh pune në sektorë të tjerë. Këto vendime nuk janë rezultat i pandemisë”, bëri me dije Microsoft.
Ndërkohë vendet e punës do të shkurtohen deri në fund të Qershorit, kur dhe do të nisë aplikimi i metodës së re me robotët.
