Hiqni kufjet nga kutia, vendosini dhe filloni të dëgjoni muzikë nga smartfoni juaj. Por befas, softueri i pajisjes së besuar ju paralajmëron se ngarkesa e mbetur e njërës prej kufjeve është gati të mbarojë. Ndersa kufja tjetë, ka një ngarkesë të lartë të mbetur.
Si është e mundur që ka një ndryshim të tillë midis përqindjeve të mbetura të karikimit të dy kufjeve, duke qenë se të dy kanë qenë brenda kasës për të njëjtën kohë? Epo, midis atyre që rekomandojnë pastrimin e lidhësve dhe atyre që i referohen një defekti të mundshëm në pajisje, bota e Uebit është ndarë prej kohësh në këtë temë (thjesht shikoni Reddit).
Në fund, pra, të paktën një prodhues i kufjeve ka vendosur t’i japë një “përgjigje zyrtare” pyetjes. Kështu thuhet në portalin e Sony se “shkalla e konsumit të baterisë për çdo kufje është paksa e ndryshme në varësi të cilësimeve të secilit funksion dhe kushteve të përdorimit”.
E thënë thjesht, të paktën për kufjet specifike të cilave i referohet Sony, “kjo është sjellje normale”. Për pjesën tjetër, këshilla e prodhuesit është thjesht që kufjet të ruhen në kutinë e karikimit sa më shumë që të jetë e mundur kur nuk janë në përdorim. Megjithatë, nëse ndryshimi midis ngarkesës së mbetur të dy kufjeve vazhdon të jetë i dukshëm, mund të jeni gjithashtu të interesuar të hidhni një sy në atë që tregohet në udhëzimet e Sony për modelin WF-1000XM4. Sido që të jetë, tani keni disa “sqarime zyrtare” lidhur me këtë çështje.
Discussion about this post