Twitter i shpall luftë gjuhës së urrejtjes, vendos rregulla të forta në postime

Drejtori ekzekutiv i Twitter ka marrë një mesazh të fortë nga lëvizja #WomenBoycottTwitter (Gratë bojkotojnë twitterin).

Në një seri të postimeve të filtruara natën e së premtes, themeluesi dhe CEO Jack Dorsey tha se platforma e rrjetit social do të vendosë rregulla të reja në lidhje me çështjet si “zhvillimet seksuale, lakuriqësinë jo konsensuale, simbolet e urrejtjes, grupet e dhunshme dhe postimet që promovojnë dhunë”.

“Ne kemi vendosur të mbajmë një qëndrim agresiv në lidhje me rregullat tona dhe mënyrën sesi do t’i zbatojmë ato”, u përgjigj Dorsey.

Dorsey nuk dha një afat kohor se kur do të fillojnë të implementohen rregullat e reja, por tha se pritet të jenë “javët e ardhshme”.

Në një deklaratë për CNNMoney Twitter tha se nuk mund të japë më shumë detaje.

Dorsey mori kohë për t’iu përgjigjur dhjetëra mesazheve, shumë prej të cilëve kritikonin platformën dhe ishin skeptikë për kohën e Dorsey. (TIRANA TODAY)