Apple gjen mënyrën se si të largojë ujin nga iPhone

Apple ka gjetur zgjidhjen në rast se iPhone-i juaj do të bjerë në ujë. Kompania do ta zgjidhë këtë problem me anë të tingujve.

Pantenimi më i fundit detajon një mekanizëm, që nxjerr ujin nga spikeri i telefonit. Ky pantenim i publikuar të martën, përshkruan se do të ketë një pjesë që do të jetë hidrofobike, e cila do t’i rezistojë hyrjes së lëngjeve dhe një pjesëz hidrofobike për t’i nxjerrë ato jashtë.

Gjithashtu, për monitorimin e procesit të largimit të lëngjeve do të vendoset një sinjal akustik, i cili do të gjenerohet nga spikeri që do të ndihmojë në detektimin dhe largimin e lëngjeve.

iPhone 7 është kundër ujit, megjithatë nuk ka pasur asnjë mekanizëm që largon ujin nga mikrofonat apo porta e ndriçimit.