Ndoshta mund të jetë një nga shpikjet më të mira dhe një hap i madh për aeroplanët privat, por ky aeroplan i vogël i quajtur “Vision Jet” e ndryshon rrjedhën e lojës në tregun e aeroplanëve.
Cirrus kushton 1.75 milionë euro, që është aeroplani privat më i lirë në shitje në tregun e sotëm.
Në fakt, është sa gjysma e çmimit të aeroplanëve konkurrentë.
“Vision Jet” ka 10 vjet që është duke u ndërtuar, ka thënë zëvendëspresidenti i marketingut të kompanisë Cirrus, Ben Kowalski për BuisnessInsider.
Aeroplani ka bërë fluturimin e parë në maj të vitit 2016, pastaj pas disa muajsh është certifikuar nga Administrata Federale e Aviacionit, ndërsa tani kompania ka prodhuar dhe ka filluar shitjet e tij.
Sipas Kowalski, tregjet e synuara të “Vision Jet” janë pronarët privat dhe shërbimet rajonale ajrore komerciale.
Discussion about this post