Sot është shumë e vështirë të gjesh një person pa llogari në rrjetin social Facebook. Ky i fundit ka përparuar shumë, duke sjellë mekanizma mjaft lehtësuese gjatë përdorimit.
Megjithatë, shumica e njerëzve nuk i shfrytëzojnë këto lehtësira gjatë jetës së përditshme.
Nëse nuk i dini funksionet e tyre, ndoshta ka ardhur koha t’u hidhni një sy dhe t’i përdorni ato.
- Lexoni mesazhet e fshehura
Pak njerëz e dinë që Facebook-u ka dy kuti mesazhesh. Njëra nga to është nga njerëzit që nuk janë miq me ju në Facebook. Për t’i lexuar këto mesazhe, klikoni në ikonën “Mesazhe”, më pas klikoni “Kërkesat për mesazhe”, dhe shtypni “Mesazhet e filtruara”.
- Kontrolloni ku jeni të kyçur
Nëse po vrisni mendjen nëse jeni shkyçur nga kompjuteri apo celulari i shokut tuaj, mund të klikoni një shigjetë të vogël poshtë në cepin e djathtë të ekranit. Zgjidhni “Settings”, klikoni “Security” nga lista në të majtë dhe pastaj zgjidhni ‘Ku jeni regjistruar.’ Tani ju mund të gjurmoni të gjithë shfletuesit, ku jeni të kyçur. Për të dalë nga ndonjë shfletues, thjesht Klikoni ‘Aktiviteti i fundit’.
- Sigurohuni që nuk do hakeroheni
Nëse keni ndonjë dyshim rreth sistemit të sigurisë në Facebook, mund të përdorni “Aprovimin e kyçjes” (Login Approval) në skedën e sigurisë (Security). Sistemi i sigurisë do të kërkojë një fjalëkalim kur të hyni në llogarinë tuaj nga një pajisje e panjohur. Në rastin e kyçjes në faqen tuaj nga një pajisje që nuk keni përdorur kurrë, duhet të përdorni një fjalëkalim që do të dërgohet në telefonin tuaj.
- Zgjidhni një shok/shoqe përgjegjës për llogarinë tuaj
E keni menduar ndonjëherë ç’do të ndodhë me llogarinë tuaj kur mos ta përdorni më? Facebook-u ju jep mundësinë të zgjidhni një person që do të jetë përgjegjës për të nëse vdisni, duke klikuar në “Kontakte të sigurta” (Trusted Contacts), në skedën e sigurisë (Security). Këto kontakte të besuara nuk do të jenë në gjendje të publikojnë apo bisedojnë në emrin tuaj. Puna e tyre është të ndryshojnë fotografinë e profilit dhe t’u përgjigjen kërkesave të miqësisë.
- Për nostalgjikët
Ndonjëherë bëhemi nostalgjikë dhe duam të rishohim fotot tona qesharake apo bisedat me miqtë e vjetër. Për ta bërë këtë nuk keni nevojë të kërkoni në profil, por mund të klikoni në profilin e shokut tuaj mbi “Shikoni miqësinë” (See friendship).
- Shikoni çfarë keni bërë së fundmi në Facebook
Në Facebook ju keni mundësi të shihni gjithçka keni bërë së fundmi, pëlqyer, komentuar apo postuar. Thjesht klikoni në “Shikoni Regjistrin e Aktiviteteve” (View Activity Log).
- Shihni si duket profili juaj
Nëse doni të dini si duket profili juaj për njerëz që nuk janë shokët tuaj në Facebook, klikoni ikonën e elipsës pranë “Shiko aktivitetin e aktivitetit” (View Activity Log) dhe zgjidhni “Shiko si …” (View as…). Kjo do t’ju japë një mundësi të shkëlqyeshme për të parë profilin përmes “syve” të njerëzve që nuk i njihni.
- Komunikoni sy më sy
Facebook-u të lejon jo vetëm të çatosh me dikë, por edhe të fillosh një video çat. Për të bërë një telefonatë me video, thjesht klikoni ikonën e vogël të kamerës në pjesën e sipërme të skedës së çatit.
- Zgjidhni postimet që doni të shihni
Këto dy cilësime: “Shiko i pari” dhe “Miqtë e afërt” sigurohen që ju të mos humbisni informacionin që ju intereson. Butoni “Shihni i pari” vendos postimet e njerëzve që zgjidhni në fillim të kryefaqes suaj, por nuk ju njofton për çdo postim siç ndodh me butonin “Miqtë e ngushtë”.
10. Ruani një postim që ju intereson
Facebook-u është i mbushur plot e përplot me informacione. Për ata që nuk kanë shumë kohë, por që kanë parë një postim për të cilin kanë interes, atëherë ju mund ta ruani atë duke klikuar “Ruani postimin” (Save Post), ose “Ruani lidhjen” (Save Link), të cilin mund ta gjeni kur të doni tek tabela në të majtë, ku shkruhet “Të ruajtura” (Saved)./ Burimi: Bright Side; Përshtati: Tirana Today.
Discussion about this post