Elon Musk paralajmëroi rrezikshmërinë që paraqet inteligjenca artificiale duke thënë se mund të jetë dhe shkak i nisjes së Luftës së Tretë Botërore.
Shefi i kompanive “Space X”, “Tesla” dhe “Boring” e bëri paralajmërimin e tij në “Twitter” në orën 2:33 të mëngjesit, duke treguar rëndësinë që kjo temë ka për të.
Duket se frika e Musk u shtua pas një deklarate të Vladimir Putinit se, inteligjenca artificiale është e ardhmja jo vetëm për Rusinë, por për të gjithë njerëzimin. Presidenti rus deklaroi se kushdo që bëhet udhëheqës në këtë fushë do të sundojë botën.
Musk, në komentin e tij tha se nuk është i shqetësuar se luftën do ta nisë një udhëheqës njerëzor, por një inteligjencë artificiale tepër e kujdesshme, që mund të vendosë se “të sulmosh i pari është rruga më e mirë drejt fitores”.
Sipas Musk, nëse hapet “kutia e Pandorës” përsa i takon inteligjencës artificiale, do të jetë e zorshme të mbyllet. Miliarderi inovator është prej kohësh një prej zërave më të fuqishëm kundër inteligjencës artificiale dhe së fundmi ishte një prej 100 personave që firmosën një peticion, ku i bëhet thirrje OKB-së të ndalojë armët vdekjeprurëse autonome.
Emra të njohur në botën e teknologjisë dhe shkencës, si Bill Gates apo Stephen Haëkins mbështesin idetë e Musk.
Discussion about this post