Snapchat sjell Bitmoji 3D të animuara

Snapchat solli një risi, një bitmoji 3D në funksionalitetin e saj World Lens, ku përdoruesit mund të prezantojnë avatarë të animuar.

Animacionet 3D Bitmoji lidhen direkt në modelin që ju keni krijuar me anë të aplikacionit Snapchat. Ato do t’ju  shfaqen në lentet e kamerës së pasme në Snapchat në iOS dhe Android.

Shumica e tyre zgjasin më shumë se 10 sekonda që është kohëzgjatje standarde. Përdoruesit e iOS mund të përdorin funksionalitetin multi-Snap për të kapur disa “Snap-e” dhe për t’i lidhur ato në një sekuencë të vetme.

Bitmoji dhe World Lens funksionojnë së bashku. Avatari i animuar ka disa marifete, si për shembull të bëjë skateboard apo të performojë yoga sipas vendodhjes që zgjidhni.