General Motors beson në të ardhmen elektrike të automjeteve. Prodhuesi i makinave foli për planet e nxjerrjes në treg të dy modeleve të reja të makinave elektrike në 18 muajt e ardhshëm.
“General Motors beson në një të ardhme tërësisht elektrike“, tha Mark Reuss, kreu i projektit të zhvillimit të produktit. Për momentin, GM nuk ka thënë se kur do të vijë saktësisht e ardhmja elektrike e automjeteve.
GM ka lançuar kohët e fundit automjetin e parë elektrik, Chevrolet Bolt EV, me një distancë prej 238 milje dhe çmim fillestar rreth 36,000 dollarë. Jo të gjitha automjetet elektrike të GM do të përdorin bateri – disa do të përdorin gazin e hidrogjenit në vend të baterisë, tha GM. Gazi i ngjeshur i hidrogjenit, i kombinuar me oksigjen në bordin e automjetit do të prodhojë energji elektrike.
“Industria po zhvendoset ngadalë drejt automjeteve elektrike, dhe shumica e prodhuesve të automjeteve po hedhin në treg makina elektrike,” tha Akshay Anand, analisti ekzekutiv për Kelley Blue Book. Ai vuri në dukje se teknologjia po përparon shpejt dhe se pritet më shumë progres. /Tirana Today/
Discussion about this post