Facebook vijon të shtrijë influencën e tij në SHBA. Ndalesa tjetër do të jetë Virginia.
Guvernatori demokrat i Virginia, Terry McAuliffe, njoftoi të enjten se Facebook do të ndërtojë qendrën tjetër të të dhënave në Qarkun e Henrico.
Facebook po planifikon të investojë 1 miliard dollarë. Kompania është duke investuar 750 milionë dollarë në ndërtim dhe 250 milionë dollarë në objektet diellore që do të fuqizojnë qendrën e të dhënave, tha McAuliffe.
“Duke bashkëpunuar me kompani si Facebook, po përmirësojmë pozitën e Virginias si një udhëheqës global në fushën e teknologjisë”, tha McAuliffe në një deklaratë ku njoftoi vendimin e marrë.
Investimi pritet të krijojë shumë vende të reja pune me kohë të plotë.
Facebook do të fitojë rreth 19 milionë dollarë deri në vitin 2035, sipas Partneritetit për Zhvillimin Ekonomik të Virginias.
Facebook tashmë ka qendra të këtij lloji në Oregon, Karolinën e Veriut dhe Iowa. Qendrat në Fort Worth, Teksas; Los Lunas, New Mexico; dhe New Albany, Ohio janë në ndërtim e sipër për momentin.
“Një nga faktorët më të rëndësishëm në lidhje me vendndodhjen e qendrave të Facebook janë burimet e ripërtërishme të energjive. Ne po ashtu kërkojmë partneritete të mëdha brenda bashkësisë lokale, infrastrukturë të fuqishme …, “ tha në një deklaratë Rachel Peterson, drejtoresha e Facebook për strategjinë e qendrave të të dhënave.
Facebook arriti 2 miliardë përdorues në muajin qershor. /Tirana Today/
Discussion about this post