Kriza e fundit që kaploi Facebook nuk ka ngadalësuar ritmet e kompanisë. Facebook deklaroi të mërkurën se shitjet arritën në 10 miliardë dollarë në tremujorin e tretë, gati 50% më shumë se tremujori i një viti më parë. Fitimet u rritën 79% në 4.7 miliardë dollarë për këtë tremujor.
CEO Mark Zuckerberg tha se fitimet do të kenë më shumë sukses pasi kompania po investon më shumë te siguria.
“Ne jemi serioz në parandalimin e abuzimeve me platformat tona. Ne jemi duke investuar aq shumë te siguria dhe kjo do të ndikojë në fitimet tona”, tha Zuckerberg në një deklaratë. “Megjithatë mbrojtja e komunitetit tonë është më e rëndësishme sesa rritja e fitimeve për ne.”
“Doja që investitorët tanë ta dëgjonin drejtpërdrejt nga unë, dhe besoj se kjo do ta bëjë më të fortë shoqërinë tonë,” tha Zuckerberg duke folur për investimin në siguri.
Raporti i të ardhurave u dha pasi një ekzekutues i Facebook dëshmoi në tre seanca para Kongresit mënyrën se si hakerët rusë përdorën rrjetin social për të ndërhyrë te zgjedhjet presidenciale të 2016-ës.
“E kam shprehur shqetësimin tim për mënyrën se si rusët u përpoqën të përdorin rrjetin tonë për të mbjellë mosbesim”, tha Zuckerberg në telefon. “Ajo që ata bënë ishte e gabuar dhe ne nuk do të rrimë duarkryq për të.”
Zuckerberg tha se mbrojtja e sigurisë së rrjetit social “shkon përtej zgjedhjeve”. Gjithashtu do të thotë “forcimi i të gjitha sistemeve tona për të parandaluar abuzimin”.
Në seancat dëgjimore, Facebook, Twitter (TWTR, Tech30) dhe Google (GOOG) dëshmuan se janë të aftë për të parandaluar hakerët të përfitojnë nga platformave përmes reklamave dhe postimeve të rregullta. (TIRANA TODAY)
Discussion about this post