Një version fals i aplikacionit të WhatsApp është shkarkuar më shumë se një milion herë nga Google Play Store, para se të hiqej. Aplikacioni “Update WhatsApp Messenger” duket se është projektuar nga kundërshtarë të WhatsApp Inc.
Sipas përdoruesve reklamat e rreme tregonin se si mund të shkarkohej softueri në pajisjet e përdoruesve. Tani është hequr nga Google Play Store, megjithatë bëhet thirrje e veçantë për të gjithë përdoruesit për të pasur kujdes. Kushdo që ishte prapa aplikacionit arriti ta bëjë atë të duket si “WhatsApp Inc”.
U përdor emri i saktë, por u zëvendësua hapësira me një karakter të veçantë që dukej si një hapësirë. Përdoruesit që marrin përditësime automatike përmes WhatsApp-it të vërtetë nuk janë prekur.
Nuk është hera e parë që Google i është dashur të pastrojë aplikacione të rreme keqdashëse në Play Store. Në vitin 2015, firma duhej të bllokonte një program që u maskua si monitor i baterive dhe dërgoi mesazhe me tekst premium nëpër telefonat e njerëzve. (TIRANA TODAY)
Discussion about this post