Apple më në fund ka rregulluar problemin e ‘autocorrect-it’ të shkronjës ‘i’ pas një sërë ankesash nga përdoruesit. Përdoruesit e iPhone ishin të indinjuar me problemin që ndryshonte shkronjën ‘i’ në një simbol të panevojshëm. Ata e detyruan Apple të ndërhynte.
Problemi ka prekur përdoruesit e iPhone dhe iPad që kanë shkarkuar iOS 11.1, që konsiderohet së përditësimi i përsosur për iPhone X.
“Sapo kemi nxjerrë një përditësim që rregullon problemin,” shprehet Apple, duke u thënë përdoruesve të ruajnë gjërat e rëndësishme përpara se të kryejnë përditësimin.
Ndërkohë Apple ka premtuar një tjetër përditësim në ditët e ardhshme për shkak të disa ankesave të përdoruesve të iPhone X, që pretendojnë se ekrani thyhet, ose nuk jep asnjë shenjë jete nëse bie në kontakt me të ftohtin e madh.
Discussion about this post