Përdoruesit e rrjeteve sociale janë shqetësuar për shkak të skandalit me privatësinë. Bëhet fjalë për rrjetin social“Facebook”, ku është vënë në qëndër të kritikave, kjo për shkak të një skandali me të dhënat private të miliona përdoruesve.
267 milionë përdorues i kanë patur të dhënat e tyre publike për dy javë, ç’ka do të thotë se ato mund të shiheshin apo të shkarkoheshin lehtësisht. Kjo për arsye se dosja me informacione nuk kishte fjalëkalim, ç’ka ka bërë që një shoqëri sigurie të bjerë në kontakt me të dhe të zbulojë skandalin e “Facebook”.
Shoqëria e sigurisë ka konfirmuar se ka gjetur online një database me të dhënat personale të 267 milionë përdoruesve. Sipas informacioneve, ajo ka qëndruar online nga data 4 deri ditën e djeshme. Dosja përmbante të dhëna të tilla personale si identiteti i përdoruesit dhe numri i telefonit. Në arkiv përmbaheshin informacione për identitetin e përdoruesve, emër dhe numër telefoni.
Lidhur me shqetësimin e përdoruesve, një reagim është përcjellë nga vetë “Facebook”. Në njoftim thuhet se gjithçka ka ndodhur në përpjekje për të rritur edhe më shumë sigurinë e përdoruesve të rrjetit social.
Discussion about this post