Apple ka dhuruar 50 milion yuan, ekuivalente me pak më shumë se 7 milion dollarë, për kujdesin shëndetësor kinez. Kjo u njoftua sot nga CEO i Apple Tim Cook në një postim në rrjetin social kinez Weibo.
Dhurimi vjen në një periudhë tensionesh midis Uashingtonit dhe Pekinit që përfshijnë gjithashtu sektorin e teknologjisë, kryesisht me Huawei. Dhurimi i Apple, i ndarë në dy këste, është për fondacionin kinez për zvogëlimin e varfërisë.
Një dhurim i parë prej 20 milion yuan, shkroi Cook, u bë për të mbështetur gjashtë spitale në provincën e Hubei, e goditur më rëndë nga epidemia. Kësaj i shtohen edhe 30 milion juanë të destinuar për të mbështetur shëndetin kinez në planin afatgjatë.
“Kina demonstroi një frymë dhe rezistencë të admirueshme gjatë epidemisë së koronavirusit”, shkroi Cook duke falënderuar “mjekët nga Kina dhe bota që na frymëzuan të gjithëve me altruizem dhe guxim”.
