Në kohën e chat-eve dhe video telefonatave, Facebook ka lëshuar dy aplikacione – të pritura prej vitesh – që sjellin Messenger në kompjuterët Windows dhe Mac pa kaluar nëpër browser.
“Përdorimi i Messenger në PC është dyfishuar muajin e kaluar. Këto aplikacione të reja vendase do të përmirësojnë përvojën,” shkroi CEO Mark Zuckerberg në një postim.
“Tani më shumë se kurrë njerëzit po përdorin teknologjinë për të mbajtur kontakte me të dashurit, edhe nëse janë të ndarë fizikisht,” lexohet një shënim në Facebook.
“Në muajin e fundit kemi parë një rritje prej mbi 100% të njerëzve që kanë përdorur browser e kompjuterit për të bërë telefonate dhe video teleonata në Messenger. Tani, me aplikacionet, më e mira e Messenger arrin në PC, përfshinë telefonatat në grup falas dhe e pakufizuar “.
