TikTok-u, aplikacion për shpërndarjen e videove në internet, kryeson për momentin. Ky aplikacion shkarkohet dhe përdoret me ritme të shpejta në mbarë botën, nga fëmijë e të rritur. Përdoruesit e saj mund të xhirojnë video, të montojnë dhe të ndajnë me të tjerët fragmente 15 sekondëshe të ditës së tyre. Këto fragmente mund të pasurohen me filtra, muzikë, animacione, efekte speciale e shumë më tepër.
Aplikacioni TikTok është goditur nga një sërë vlerësimesh negative në Indi, për shkak të një mosmarrëveshje mes krijuesve vendas në YouTube dhe influencuesve të këtij rrjeti. Vlerësimet në Play Store kanë shkuar në 1.2 yje mesatarisht, por Google ka ndërhyrë duke i hequr të gjitha, duke e rikthyer përsëri me 4.4 yje.
Në total, janë hequr më shumë se 8 milionë vlerësime negative për të rikthyer aplikacionin në pozicionimin e mëparshëm, pasi këto nuk kishin lidhje me cilësinë apo funksionimin e tij.
Shumë video të aplikacionit promovojnë dhunën, abuzimin me kafshët, racizmin, keqtrajtimin e fëmijëve, ngacmimet seksuale, të cilat ndikojnë në reagimet kundër kësaj platforme.
