Microsoft njoftoi të enjten se ka anulluar planet për të rihapur plotësisht zyrat në fillim të muajit të ardhshëm për shkak të shqetësimeve në lidhje me variantin Delta.
Gjigandi i teknologjisë nuk pranoi të caktojë një datë të re të rihapjes, por premtoi se do t’i njoftojë punonjësit me 30 ditë paralajmërim.
“Duke pasur parasysh pasigurinë e Covid-19 ne kemi vendosur kundër përpjekjes për të parashikuar një datë të re për një rihapje të plotë të vendeve tona të punës në SHBA.”tha Jared Spataro, nënkryetari i korporatës i Microsoft (MSFT) për punë moderne, në një postim në blog.
Microsoft i bashkohet një liste në rritje të kompanive kryesore të detyruara të vonojnë rikthimin e tyre në zyrë. Wells Fargo, BlackRock, CNN dhe të tjerët hodhën poshtë planet e tyre për të rihapur zyrat pas Ditës së Punës deri në Tetor.Amazon, Facebook dhe kompani të tjera të teknologjisë kanë thënë se nuk do të kthehen në zyrë deri në vitin 2022.
Discussion about this post