Marrëdhënia e përdoruesve me mesazhet zanore ne Whatsapp, Telegram dhe të ngjashme, ka qenë gjithmonë një dashuri dhe urrejtje:shumë besojnë se është opsioni më i përshtatshëm për të komunikuar me miqtë, ndërsa të tjerët nuk mund ta durojnë. Whatsapp me sa duket i është futur punës për të kënaqur të gjithë.
Sipas WABetaInfo, inxhinierët jane duke punuar në një veçori që do të kryejë transkriptimin e mesazheve zanore. Nëse nuk jeni në gjendje të dëgjoni një audio të marrë nga një mik, mund t’i kërkoni aplikacionit ta transkriptojë dhe pastaj ta transformojë në një mesazh me tekst.
WABetaInfo thekson se transkriptimi do të kryhet në vend, dhe mesazhet nuk do të dërgohen në Whatsapp ose ne ndonjë server të Facebook.
Karakteristika pritet të përdorë teknologjinë e Apple “Speech Recognition” në iOS, ndërsa per Android akoma nuk ka asnjë informacion.
Discussion about this post