WhatsApp mund të mbyllë grupet, të paktën siç i njohim ne tani. Ne duhet të kalojmë nga galaktika aktuale e grupeve, gjithmonë të gatshëm për t’u shumuar si kërpudhat edhe pa dijeninë tonë, në konceptin e ri të Komunitetit. Transformimi u bë i mundur nga futja e nëngrupeve.
Le të ecim me radhë, pra duke u nisur nga situata aktuale. Në WhatsApp ka chat-e individuale, ku mund të shkruani, dërgoni vokale ose file përdoruesve individualë dhe biseda në grup. Hipoteza e ardhshme është kalimi në një sistem që i ngjan platformës Discord, e cila përdoret gjerësisht nga lojtarët. Brenda një grupi WhatsApp do të jetë e mundur të krijohet një nëngrup, i kufizuar për disa nga pjesëmarrësit në grupin fillestar. Nuk ka nevojë të krijohen grupe shtesë, një “terror” i vërtetë për shumë përdorues, por dhoma të rezervuara për një komunitet të kufizuar.
Kete e parashikoi faqja amerikane WABetaInfo, megjithëse disa çështje që lidhen me mundësinë e ftesës së përdoruesve që nuk janë të pranishëm në grupin kryesor nuk janë specifikuar. Me siguri, edhe dhomat do të jenë të koduara end-to-end.Në çdo rast, mund të përfaqësojë një thjeshtim të këndshëm për shumë njerëz, për shembull për një darkë me kolegët e punës (vetëm me ata që na pëlqejnë më shumë). Ndoshta mund t’ju lejojë gjithashtu të organizoni një natë filmi për dashamirët e filmave horror ose “kinecomic” gjithnjë e më popullor.
Discussion about this post