Pas një pritjeje të gjatë, Xiaomi lancoi MIX 4 gushtin e kaluar, një smartphone nga seria e dashur dhe inovative e gjigantit kinez. Me sa duket seria Xiaomi MIX 5 mund të mbërrijë shumë shpejt dhe ndërkohë nisin të shfaqen leak e para me imazhet e flaghsip-it të ardhshëm Xiaomi.
Njoftuesi pretendon se dy telefona inteligjentë Xiaomi u gjetën në bazën e të dhënave të regjistruara me kodin 2202121C dhe 2202121AC. Me shumë mundësi bëhet fjalë për MIX 5 dhe MIX 5 Pro. Madje kjo e fundit është shfaqur në internet me interpretime precize që zbulojnë gjithë bukurinë e saj.
Imazhi tregon një telefon inteligjent me një stil minimal ngjyrë argjendi që monton një panel pa vrima dhe pika, duke sugjeruar një kamerë selfie të integruar nën ekran.
Moduli i kamerës duket të jetë në formë katrore me tre kamera, njëra prej të cilave është 108 MP. Aktualisht, ende nuk është publikuar asnjë listë me specifikimet e pajisjeve të serisë së ardhshme MIX 5.
Discussion about this post