UNESCO njoftoi sot miratimin e një teksti të parë botëror mbi etikën e inteligjencës artificiale, në një përpjekje për të përshtatur teknologjinë revolucionare që gjithashtu ngjall frikë për peshën që mund të ketë në sjelljen sociale.
“Teknologjitë e IA – thuhet në preambulën e ‘rekomandimit’ 28 faqesh të ratifikuar nga 193 shtetet anëtare të UNESCO-s – mund t’i ofrojnë shërbime të mëdha njerëzimit” dhe “të gjitha vendet mund të përfitojnë prej tyre”, por “ato gjithashtu ngrenë shqetësime etike në thelb”.
“Ka nevojë – shkruan Organizata e Kombeve të Bashkuara për arsimin, shkencën dhe kulturën – për të siguruar transparencën dhe kuptueshmërinë e funksionimit të algoritmeve dhe të dhënave nga të cilat janë llogaritur”, pasi ato mund të ndikojnë “të drejtat e njeriut dhe liritë themelore, barazi gjinore, demokraci”.
“Rekomandimi” i nisur sot nga organizata me seli në Paris është rezultat i një pune të nisur në vitin 2018 dhe e bazuar në vlerat e “respektit, mbrojtjes dhe promovimit të të drejtave të njeriut, diversitetit dhe përfshirjes, promovimit të shoqërive dhe mjedisit paqësor.
Teksti rendit gjithashtu se çfarë do të duhet të arrijnë nënshkruesit, veçanërisht për krijimin e instrumenteve legjislative që kornizojnë dhe mbikëqyrin IA, “duke garantuar siguri totale për të dhënat personale dhe të ndjeshme”.
Discussion about this post