Nga viti 2019 deri më sot, Meta-Facebook ka identifikuar 40 mijë sajte të rreme që riprodhonin faqet e hyrjes në shumë prej platformave të saj, duke përfshirë vetë Facebook, Instagram dhe biseda WhatsApp. Qëllimi ishte të vidhte informacionin dhe kredencialet e hyrjes së perdoruesve. Grupi, i drejtuar nga Mark Zuckerberg, ka ngritur një padi në gjykatën federale të Kalifornisë për të zbuluar identitetin e kriminelëve kibernetikë që kanë krijuar faqet e rreme, me qëllim të mashtrimit të anëtarëve.
Brenda dy viteve, portalet e identifikuara nga Meta u përdorën si destinacion i fushatave të ndryshme phishing. Në këto, kriminelët i shtynin viktimat e mundshme të klikonin në menutë e aksesit në shërbime, duke imituar rrjetet e famshme sociale, për të marrë të dhënat e tyre dhe për t’i përdorur për aktivitete të paligjshme.
“Sulmet phishing – lexohet në postimin në blog në të cilin Meta komunikon fillimin e mosmarrëveshjes ligjore – tërheqin viktimat në një faqe interneti që duket se menaxhohet nga një ent i besuar. Megjithatë, faqja është e rreme dhe përmbajtja e saj, e ngjashme me atë të portali që përpiqet të kopjojë, ka për qëllim të bindë viktimën të fusë informacione të ndjeshme, si fjalëkalimi ose adresa e postës elektronike”.
The Verge ka analizuar procesin ligjor, duke zbuluar se Meta ka denoncuar edhe shkeljen e të drejtave të autorit, për përdorimin e paautorizuar të markave të regjistruara Facebook, Instagram, Messenger dhe WhatsApp.
“Ne do të vazhdojmë të punojmë me shërbimet e pritjes dhe shitësit për të identifikuar dhe ndaluar sulmet e phishing në fillim. Ne bllokojmë dhe raportojmë në mënyrë proaktive rastet te komuniteti i pritjes dhe sigurisë, tregtarët e domenit, ofruesit e privatësisë dhe reklamat e tjera. Meta bllokon dhe ndan adresat e përdorura për phishing në mënyrë që të bllokohen edhe nga platforma të tjera”, shpjegoi gjiganti.
Discussion about this post