“House of the Dragon”, prequel i serialit jashtëzakonisht popullor “The Game of Thrones”, ishte seriali më i ndjekur në HBO dhe ishte frymëzimi për një smartphone vërtet unik. Gjiganti kinez OPPO ka zbuluar Reno8 të ri “House of the Dragon” me edicionin e kufizuar, një pajisje që është frymëzuar nga pamja e serialeve televizive të publikuara këtë vit dhe që do të vazhdojë në të ardhmen me një tjetër sezon.
OPPO Reno8 hyn në botën misterioze të Shtëpisë së Dragoit
Ky version i pazakontë i Reno8 Pro ruan specifikimet teknike të origjinalit, por vjen me një mbulesë të frymëzuar nga lëkura e dragoit dhe me një shenjë të artë që përfaqëson dragoin historik me tre koka, simbol i familjes Targaryen.
Në kompletin e paketave gjejmë edhe një mbajtëse telefoni në ngjyrë të zezë dhe të artë në formë dragoi, si dhe gjilpërën për nxjerrjen e kartës SIM. Surprizat nuk mbarojnë me kaq. Brenda setit gjejmë gjithashtu një vezë dragoi dhe një njoftim të shkruar me dorë të Mbretit Viserys I Targaryen.
Edicioni i kufizuar i OPPO Reno8 “House of the Dragon” do të jetë i disponueshëm, të paktën për momentin, vetëm në Indi. Smartphone nuk është lansuar ende në treg dhe çmimi nuk është bërë ende i ditur. Mendohet se OPPO do ta vërë këtë pajisje të disponueshme për shitje në tregjet indiane duke filluar nga data 24 tetor.
Discussion about this post