Telefonat inteligjentë me teknologji 5G mund të përdoren në bordin e avionëve evropianë. Ky është vendimi i marrë nga Komisioni Evropian, i cili përditësoi spektrin e frekuencave për komunikimet në bord.
Njoftimi u bë nga Komisioneri Evropian për Tregun e Brendshëm, Thierry Breton, i cili theksoi për ANSA se “5G do të lejojë shërbime inovative për njerëzit dhe shumë mundësi rritjeje për bizneset. Qielli nuk është më kufiri kur bëhet fjalë për të ofruar lidhje super të shpejtë dhe me kapacitet të lartë.”
Komisioni gjithashtu specifikoi se përdorimi i 5G do të kufizohet vetëm në disa frekuenca dhe fuqia e sinjalit do të jetë më e ulët se homologu në terren. Shërbimi do të ofrohet në kabinën e avionit, i cili do të jetë i pajisur me pajisje të posaçme rrjeti, të cilat do t’i lejojnë përdoruesit të telefonojnë, të dërgojnë mesazhe me tekst dhe të aksesojnë lidhjen e të dhënave nëpërmjet një rrjeti satelitor i cili do të komunikojë ndërmjet avionit dhe rrjetit celular tokësor.
Gjithashtu dje, Komisioni ndryshoi edhe një vendim zbatues për brezat e frekuencave në WiFi 5 GHz për ta vënë atë në dispozicion për transportin rrugor. Sipas Breton, ky modifikim hap derën për përdorime të ndryshme edhe në fushën e metaverses dhe për inovacionin e sektorit të automobilave.
Discussion about this post