Whatsapp ka njoftuar se përditësimi që sjell në aplikacionin e tij avatarët tashmë të disponueshëm në shërbimet e tjera të Meta si Facebook dhe Instagram po shpërndahet duke filluar nga sot.
Kompania e Mark Zuckerberg shpjegoi se ato mund të përdoren si fotografi të profilit, por edhe të dërgohen në formën e afisheve (36 janë në dispozicion, duke mbuluar shprehje dhe emocione të ndryshme). Funksioni do t’u shpërndahet përdoruesve në të gjithë botën në ditët në vijim, por ndërkohë lansimi tashmë ka filluar.
Ata që kanë pasur mundësinë të marrin pjesë në fazën e testimit beta, nuk do të habiten nga ky lajm, duke qenë se Whatsapp kishte nisur tashmë testimin e avatarëve prej disa muajsh. I disponueshëm tashmë në Facebook prej më shumë se dy vitesh, me këtë sistem të ri Meta synon të ndryshojë sistemin e komunikimit për përdoruesit, duke fokusuar gjithçka në mundësinë e personalizimit të tyre sipas dëshirës tuaj, ndryshe nga sa ndodh me emoji-t klasikë. Avatarët gjithashtu kanë një vizion më të gjerë dhe shikojnë në metaverse, projekti mbi të cilin Mark Zuckerberg dhe bashkëpunëtorët po vënë bast masivisht.
Në të njëjtën kohë, zhvillimi i funksioneve të tjera nga aplikacioni vazhdon: sipas asaj që është shfaqur, Whatsapp do t’ju lejojë të kërkoni mesazhe sipas datës në biseda.
Discussion about this post