Thashethemet e para për nisjen e mundshme të një abonimi për Facebook dhe Instagram në Evropë u shfaqën disa javë më parë, por sot mberrijnë ato që duken të jenë (pothuajse) konfirmimet zyrtare .
Sipas asaj që raportohet nga Wall Street Journal, në fakt, Meta po punon për një plan abonimi 10 euro në muaj për t’u ofruar përdoruesve një eksperiencë shfletimi në Instagram dhe Facebook pa reklama. Abonimi duhet të strukturohet në këtë mënyrë;
10 Euro në muaj në desktop për një llogari në Facebook ose Instagram
6 Euro në muaj për çdo llogari shtesë të lidhur
13 Euro në muaj në pajisje celulare për një llogari të vetme
Çmimi më i lartë në celular do të lidhet me tarifat shtesë të ngarkuara nga dyqanet e aplikacioneve Apple dhe Google për transaksione, tha Wall Street Journal.
Natyrisht, kjo nuk do të jetë një imponim dhe përdoruesit do të mund të vazhdojnë të kenë akses në versionin falas të faqeve për sa kohë që pranojnë reklama të personalizuara. Nuk është e qartë nëse dhe kur ky plan do të shohë dritën e ditës, por thashethemet filluan të qarkullojnë pasi kompania e Mark Zuckerberg u gjobit me 390 milionë euro në fillim të këtij viti nga komisioneri irlandez i privatësisë.
Në përgjigje të artikullit, një zëdhënës i Meta tha si vijon: “Meta beson në vlerën e shërbimeve falas të mbështetura nga reklamat e personalizuara. Megjithatë, ne vazhdojmë të vlerësojmë opsionet që sigurojnë përputhjen me kërkesat rregullatore në zhvillim. Aktualisht nuk kemi informacion të mëtejshëm për të ndarë “.
Në fillim të vitit, Meta lançoi Meta Verified, sistemin me pagesë që ju lejon të merrni profile të verifikuara në Instagram dhe Facebook.
Discussion about this post