Mbrëmjen e sotme (nësër në mëngjes në Shqiperi) do të jetë eventi i Apple “Scary Fast”. Kompania Cupertino pritet të prezantojë të paktën tre Mac të rinj: iMac 24 inç, MacBook Pro 14 inç dhe MacBook Pro 16 inç. Çipat M3 pothuajse me siguri do të debutojnë me pajisjet. I njohuri Mark Gurman i Bloomberg ka zbuluar specifikat e mundshme.
Apple M3, M3 Pro dhe M3 Max
Pas braktisjes së procesorëve Intel, Apple ka demonstruar se performanca e lartë dhe konsumi i ulët mund të arrihen me arkitekturën ARM. Çipi M1 u njoftua më 10 nëntor 2020. Më pas erdhën M1 Pro/Max (18 tetor 2021) dhe M1 Ultra (8 mars 2022). Çipi M2 u zbulua më 24 qershor 2022, i ndjekur nga M2 Pro/Max (17 janar 2023) dhe M2 Ultra (13 qershor 2023).
Vetëm katër muaj pas modelit të fundit të serisë M2, Apple tashmë është gati të lançojë çipat M3, të prodhuara nga TSMC me teknologjinë e procesit 3 nanometër, e njëjtë me çipin A17 Pro të integruar në iPhone 15 Pro/Pro Max. priten përmirësime të rëndësishme për sa i përket performancës dhe efikasitetit.
Këto duhet të jenë specifikat, sipas Mark Gurman:
-Apple M3: CPU me 8 bërthama (4 bërthama të performancës dhe 4 bërthama efikasiteti) dhe GPU me 10 bërthama
-Apple M3 Pro: CPU me 12 bërthama (6 bërthama të performancës dhe 6 bërthama efikasiteti) dhe GPU me 18 bërthama ose CPU me 14 bërthama dhe GPU me 20 bërthama
-Apple M3 Max: CPU me 16 bërthama (12 bërthama të performancës dhe 6 bërthama efikasiteti) dhe GPU me 32 ose 40 bërthama
Çipi M3 do të përdoret për iMac-in e ri 24 inç (modeli aktual integron M1 të vjetër). MacBook Pro 14 dhe 16 inç do të ketë çipat më të fuqishëm M3 Pro dhe M3 Max. Procesorët e rinj gradualisht do të gjejnë rrugën e tyre në të gjitha produktet e tjera të Apple, duke përfshirë MacBook Pro 13 inç, MacBook 13 dhe 15 inç Air, Mac mini, Mac Studio, Mac Pro dhe iPad Pro.
Discussion about this post