Pak orë më parë Apple mbylli llogarinë e zhvilluesit të Epic Games, duke shtyrë efektivisht edhe një herë kthimin e Fortnite në iOS. Mesa duket çështja ka mbërritur edhe në veshët e Bashkimit Europian, i cili ka konfirmuar se është duke shqyrtuar vendimin e gjigantit të Kupertinos.
Duke folur për TechCrunch, një zëdhënës i Komisionit Evropian konfirmoi se autoritetet e Kontinentit të Vjetër kanë “kërkuar shpjegime të mëtejshme nga Apple në lidhje me kuptimin e DMA” që hyn në fuqi sot.
Zëdhënësi shpjegoi gjithashtu se BE-ja po vlerëson nëse veprimet e Apple ngrenë shqetësime për pajtueshmërinë me dy rregullore të tjera tashmë në fuqi: Aktin e Shërbimeve Dixhitale (DSA) dhe Rregulloren Platformë për Biznes (P2B).
App Store, si portier i BE-së, duhet të jetë në përputhje me rregulloren e re e cila hyri në fuqi në mesnatën e sotme në Bruksel. Mosrespektimi i DMA i vë kompanitë në rrezik të gjobave të rënda, deri në 10% të qarkullimit vjetor global, duke u rritur në 20% për shkelësit e përsëritur. Megjithatë, gjobat në lidhje me mospërputhjen me DSA mund të arrijnë deri në 6% të xhiros globale vjetore të kompanive.
Duhet thënë se për momentin nuk është hapur asnjë hetim zyrtar nga BE-ja ndaj Apple, por është dërguar vetëm një kërkesë për shpjegime.
Discussion about this post