OpenAI, start-up i themeluar nga Sam Altman i cili lançoi ChatGpt, është kundër propozimit të ligjit kalifornian – i ashtuquajturi SB 1047 – që synon parandalimin e rreziqeve nga modelet e avancuara të AI.
Në një letër drejtuar sponsorit të ligjit, Scott Wiener, senator i shtetit kalifornian, Jason Kwon, shefi i strategjisë së start up-it, paralajmëroi se projektligji, tani në përgatitje, përfaqëson një kërcënim për statusin unik të ” Kalifornisë si një lider botëror në inteligjencën artificiale”. Ligji, shkroi ai, mund të “ngadalësojë ritmin e inovacionit dhe të bëjë që inxhinierët dhe sipërmarrësit e klasit botëror të Kalifornisë të largohen nga shteti në kërkim të mundësive më të mëdha diku tjetër”.
OpenAI është kompania e fundit e Silicon Valley që ka shprehur dyshime në lidhje me përpjekjen kaliforniane për të rregulluar inteligjencën artificiale për të zbutur rreziqet që lidhen me teknologjinë e re dhe zhvillimet e saj në të ardhmen. Nga ana e tij, Wiener mbrojti tekstin e ligjit, i cili pritet të votohet deri në fund të muajit, duke kritikuar “argumentin e lodhur” që start-up-et e teknologjisë do të zhvendoseshin nëse masa miratohej.
Ligji i propozuar kërkon që kompanitë e AI të testojnë sistemet e tyre dhe të kenë masa shtesë sigurie për të parandaluar manipulimin e tyre potencial, për shembull për të shkatërruar rrjetin elektrik të shtetit ose për të ndihmuar në ndërtimin e armëve kimike, skenarë të besueshëm nga ekspertët në të ardhmen. . Kërkesa ekziston për sistemet që kushtojnë më shumë se 100 milionë dollarë fuqi kompjuterike për t’u trajnuar, një kërkesë që ende nuk është përmbushur nga asnjë model ekzistues i AI.
Discussion about this post