Ndërsa testimi vazhdon në pacientin e dytë të Neuralink, Noland Arbaugh – pacienti i parë që mori ndërfaqen nervore të kompanisë së Elon Musk – ka ofruar një përditësim mbi përparimin e punës.
Arbaugh tha se i ka dhënë një emër pajisjes në trurin e tij, të cilën ai e quan me dashuri “Eva”. Por kjo nuk është e gjitha, sepse në një postim të publikuar në X Arbaugh deklaroi se ai tani kalon rreth katër orë në ditë me stafin e Neuralink, duke testuar implantin.
Në kohën e tij të lirë dhe jashtë këtyre seancave, ai përdor pajisjen për të lexuar, studiuar Biblën dhe për të mësuar gjuhë të reja. “Unë jam duke mësuar frëngjisht dhe japonisht për rreth tre orë në ditë duke përdorur burime të ndryshme,” tha ai, duke shtuar se “Unë gjithashtu kam vendosur të rimësoj matematikën nga e para, me shpresën që një ditë të kthehem në shkollë.”
Arbaugh ka qenë katërplegjik dhe i paralizuar që nga viti 2016, kur u paralizua nga shpatullat e poshtë në një aksident zhytjeje. Ndërhyrja që çoi në fillimin e testeve filloi në janar të këtij viti dhe reagimet e para të marra duket të jenë mjaft pozitive. Megjithatë, asnjë përditësim i ri nuk ka mbërritur për pacientin e dytë që mori ndërfaqen.
Discussion about this post