Me sa duket, Whatsapp po punon për ta bërë ekranin ku shfaqen dhe menaxhohen bisedat edhe më të qartë dhe më të rregullt. Për këtë funksion të ri flitet prej disa kohësh dhe mesa duket do të ishte afër debutimit.
Sipas asaj që raportohet nga WABetaInfo, në versionin beta 2.24.22.5 të Whatsapp për Android është futur mundësia e krijimit të listave të personalizuara të kontakteve dhe chat në grup, me etiketat përkatëse të cilat do të shfaqen direkt në faqen kryesore të aplikacionit dhe do të lejojnë shpejt qasje në chat ose grupet që janë përfshirë në atë listë. Në këtë mënyrë, për shembull, mund të krijoni një etiketë për chat e punës, një për miqtë e futbollit, një që përmban anëtarët e familjes dhe një tjetër për shokët e klasës.
Qëllimi i Whatsapp është të sigurojë që përdoruesit t’i qasen edhe më lehtë chat-eve : etiketat do të shfaqen në pjesën e sipërme të UI, ku do të ketë edhe një ikonë të veçantë që do t’ju lejojë të krijoni të reja. Funksioni i ri u drejtohet atyre përdoruesve që përdorin Whatsapp jo vetëm për biseda personale, por edhe për punë.
Asnjë informacion, të paktën për momentin, për datën e mundshme të nisjes publike. Muaji tetor ishte mjaft i mbushur me ngjarje për aplikacionin: së fundmi u zbulua se tema të reja per chat po vijnë në Whatsapp.
Discussion about this post