Google Photos po e tejkalon rolin e tij tradicional si bibliotekë kujtimesh dhe po evoluon në një platformë krijuese shumë më të aftë. Përditësimi më i fundit sjell një editor video të ridizajnuar, i cili i afron përdoruesit me veçori që deri tani ishin të zakonshme vetëm në aplikacionet profesionale të përpunimit të videove.
Sipas TechCrunch, editori i ri përfshin një timeline të unifikuar, ku përdoruesit mund të ndërthurin klipet, t’i shkurtojnë, t’i ripozicionojnë dhe t’i kombinojnë shumë më lehtë. Përtej ndërhyrjeve bazike, Google Photos tani ofron muzikë, shtim teksti, tranzicione dhe template të paracaktuara, të cilat i ndihmojnë përdoruesit të krijojnë video të gatshme për rrjetet sociale me vetëm pak hapa. Një pjesë e rëndësishme e përditësimit janë highlight templates, që sinkronizojnë automatikisht pamjet me ritmin e muzikës dhe mbishkrimet përkatëse, duke gjeneruar klip tërheqës pa pasur nevojë për njohuri teknike. Ideale për përmbajtje të shpejtë, dinamike dhe vizualisht më tërheqëse.
Me këtë përditësim, Google Photos po pozicionohet si një mjet i integruar krijimi — jo vetëm një vend ku ruajmë foto e video, por edhe një studio praktike dhe e aksesueshme për transformimin e tyre në klip profesional direkt nga telefoni.
Discussion about this post