Gjatë viteve të fundit, Nvidia ka zgjeruar rolin e saj jashtë prodhimit të njësive grafike për trajnimin e modeleve të AI-së, duke u angazhuar në dhjetëra investime të rëndësishme në startup-e që konsiderohen “game changer” në sektor. Sipas të dhënave të PitchBook, vetëm gjatë vitit 2025 kompania mori pjesë në rreth 67 marrëveshje kapitali sipërmarrës me ndërmarrje të reja teknologjike, më shumë se në të gjithë vitin 2024.
Midis investimeve më të spikatura është mbështetja ndaj OpenAI, ku Nvidia ka qenë një nga pjesëmarrësit në rrethin e madh financiar prej miliarda dollarësh për përshpejtimin e teknologjive të modeleve gjuhësore. Përtej kësaj, kompania ka financuar edhe startup-e si Perplexity, një motor kërkimi i fuqizuar me AI që synon të riformësojë mënyrën si njerëzit gjejnë dhe përpunojnë informacionin në internet. Strategjia e Nvidia-s përfshin gjithashtu mbështetje ndaj firmave që punojnë në infrastrukturë të re teknologjike, si ofruesit e cloud computing për trajnimin e modeleve të AI-së, dhe kompani që zhvillojnë aplikacione specifike sipas industrive, duke ndihmuar kështu në zgjerimin e gamës së përdorimit të inteligjencës artificiale. Ky model investimi jo vetëm rrit ndikimin e Nvidia-s në sektor, por edhe krijon një ekosistem të fuqishëm ku startup-et e mbështetura shpesh përdorin vetë teknologjinë dhe hardware-in e gjigantit për të zhvilluar produktet e tyre.
Rritja e këtij “perandorie investimesh” reflekton edhe fuqinë financiare dhe vizionin e Nvidia-s për të qenë një nga aktorët kyç në formësimin e industrisë së AI-së, jo vetëm përmes çipave dhe teknologjisë hardware, por edhe përmes fuqizimit të inovacionit të ardhshëm. Ndërsa teknologjia e AI-së vazhdon të evoluojë, roli i Nvidia-s si investitor strategjik pritet të jetë një faktor vendimtar në ndërtimin e next-gen platformave dhe aplikacioneve që do të ndikojnë në mënyrën si jetojmë dhe punojmë.
Discussion about this post