Departamenti i Thesarit të Shteteve të Bashkuara ka vendosur sanksione ndaj një brokeri rus të njohur për tregtimin e vrimave të sigurise “zero-day”, dobësi sofistikuese në softuer që nuk janë publike dhe mund të shfrytëzohen për sulme të paautorizuara. Veprimet përfshijnë ndalimin e aktivitetit të kompanisë Matrix LLC, e njohur si Operation Zero, pronarit të saj, Sergey Sergeyevich Zelenyuk, dhe disa bashkëpunëtorëve të lidhur me operacionet e kompanisë.
Sipas Thesarit, individët e sanksionuar kanë blerë dhe shpërndarë të paktën tetë instrumente kibernetike të krijuara për përdorim nga kontraktorë të mbrojtjes amerikane. Këto vrima sigurie, të cilat u vodhën, mund të shfrytëzohen për sulme kibernetike, përfshirë ransomware apo ndërhyrje në sisteme kritike. Autoritetet amerikane e konsiderojnë këtë aktivitet një kërcënim serioz për sigurinë kombëtare dhe integritetin e teknologjive strategjike. Sanksionet përfshijnë gjithashtu një kompani bashkëpunuese me bazë në Emiratet e Bashkuara Arabe dhe disa individë të tjerë të përfshirë në shpërndarjen e vrimave të sigurise. Veprimet e Thesarit synojnë ndërprerjen e qasjes në tregun e errët të dobësive teknologjike dhe pengimin e përdorimit të tyre për aktivitete kriminale ose ndikim ndaj infrastrukturës kritike amerikane dhe aleatëve.
Ky vendim përkon me një seri masash të ngjashme që SHBA ka ndërmarrë gjatë viteve të fundit për të mbrojtur pronën intelektuale dhe sigurinë kibernetike. Zyrtarët amerikanë theksojnë se goditja ndaj këtij rrjeti tregtar është pjesë e përpjekjes së vazhdueshme për të mbajtur jashtë kontrollit qindra vrima teknologjike që mund të keqpërdoren nga aktorë të paautorizuar.Veprimi i fundit pasqyron seriozitetin me të cilin Shtetet e Bashkuara po trajtojnë kërcënimet kibernetike ndërkombëtare, ndërsa tregu i “zero-day” mbetet një sfidë madhore për mbrojtjen e infrastrukturës dhe teknologjive strategjike.
Discussion about this post