Facebook, Amazon, Google i bëjnë thirrje qeverisë amerikane të reformojnë vëzhgimin dhe mbikëqyrjen e saj.
Në Amerikë, njerëz të rëndësishëm të Silicon Valley po nxisin kërkesat që të reformohet mbikëqyrja e qeverisë industrisë së teknologjisë.
Google, Facebook, Amazon dhe Microsoft janë disa prej kompanive teknologjike të cilat kanë nënshkruar një dokument ditën e premte duke i bërë thirrje kongresit për të rishikuar një program për mbikëqyrjen e të huajve.
Përmbajta e programit të nenit 702, flet për Aktin e Vëzhgimit dhe të Zbulimit të Inteligjencës së Jashtme, ku nen shërbeu si bazë ligjore që NSA të përgjonte e-mailet dhe thirrjet telefonike, të qytetarëve të huaj në Amerikë, ndërsa NSA po merret dhe me përgjimet e komunikimeve mes amerikanëve.
Rëndesia e nenit 702, fitoi vëmendje pas zbulimeve të raportuesit të NSA, Edward Snowden, në vitin 2013. Kongresi tani është në proces të peshimit të reformave për programin. Ai duhet të votojë për të rinovuar Seksionin 702 para fundvitit, përndryshe do t’i përfundojë afati.
Letra, drejtuar kryetarit të Komisionit të Gjyqtarëve, i kërkon Kongresit të shqyrtojë disa reforma në program për të siguruar transparencë më të madhe dhe mbrojtje të privatësisë.
Çdo rinovim i programit, sipas shkresës, duhet të “zvogëlojë gjasat e mbledhjes së informacionit” për të huajt “të cilët nuk janë të dyshuar si keqbërës”. Ajo gjithashtu duhet të “kërkojë mbikëqyrje gjyqësore” për të kontrolluar komunikimet e qytetarëve të SHBA-ve.
Ed Black, president dhe CEO i CCIA, një prej atyre që ishte në grupin e teknologjisë dhe të tregtisë që nënshkroi dokumentin, tha në një deklaratë se afati i rinovimit sjell “kohën e duhur për të vënë në pikëpyetje” balancën e programit midis sigurisë kombëtare dhe “mbrojtjes së të drejtave individuale”.
Kërkesa e këtyre kompanive ka potencialin për të krijuar një përplasje tjetër mes industrisë së teknologjisë dhe Presidentit Trump. Administrata Trump thuhet se mbështet një “ri autorizim të pastër” të ligjit FISA.
Industria e teknologjisë tashmë ka filluar beteja ligjore me administratën e re mbi ndalimin e udhëtimit dhe mbrojtjen trans gjinore. Kohët e fundit, kompanitë e teknologjisë kanë filluar të përgatiten për një luftë kundër “rënies në grackë” të qytetarëve.
Neema Singh Guliani, këshilltare legjislative në ACLU, thotë se ende nuk ka pasur një “qëndrim dhe një deklaratë të qartë” nga ana e administratës për këtë çështje. Ashtu si kompanitë e teknologjisë, ACLU ka bërë thirrje për reforma thelbësore në program – ose për ta lënë atë të shuhet.
(TIRANA TODAY)
Discussion about this post