Coban Technologies, një kompani me bazë në Hjuston që shet kamera për departamentet e policisë, prezantoi këtë javë një kamerë të re të dizajnuar për të përdorur inteligjencën artificiale në identifikimin e gjithçkaje, nga njerëzit dhe automjetet deri tek armët.
Coban Technologies po mundohet të sjellë kamerën e saj në trajtën e një platforme. Projektuesit do të përpiqen të krijojnë aftësi specifike si softueri që identifikon armët.
“Nuk ka dyshim se është shumë e vlefshme,” tha Daniel Gomez, drejtuesi i seksionit të teknologjisë taktike të Departamentit të Policisë në Los Angeles.
Departamenti i tij po teston njërën prej kamerave si një mënyrë për t’i shërbyer më mirë komunitetit. Gomez parashikon përdorimin e kamerës së zgjuar për të realizuar detyra të tilla si analiza e ndalimit të trafikut në mënyrë që zyrtarët të mund të trajnohen më mirë. Ai tha se mund të përfshihet edhe teknologjia e njohjes së fytyrës në të ardhmen.
Pengesa e vetme është fakti që një aparat fotografik i montuar në pult nuk ka gjithmonë paraqitje të drejtpërdrejtë të fytyrës së një personi. Coban planifikon të zhvillojë teknologjinë e njohjes së fytyrës për këtë kamera në një të ardhme të afërt.
Teknologjia e njohjes është projektuar të punojë me gjashtë kamera, kështu që departamentet e policisë mund të zgjedhin të kthejnë makinat e tyre 360 gradë, duke e bërë më të lehtë identifikimin e fytyrave të të kërkuarve. Automjetet policore në përgjithësi kanë vetëm një kamerë.
Teknologjia gjithashtu lejon analizën e menjëhershme, të automatizuar të videos. Për shembull, Coban po teston një tipar që paralajmëron oficerët kur dikush i afrohet makinës së tyre.
Teknologjia ngre pyetje rreth privatësisë së njohjes së fytyrave. Me një rrjet të kamerave të zgjuara, qeveritë mund të gjurmojnë potencialisht vendndodhjen e çdo qytetari, edhe nëse ata nuk dyshohen për keqbërje. Para një viti Zyra Përgjegjëse e Qeverisë së SHBA lëshoi një raport kritik ndaj përdorimit të teknologjisë së njohjes së fytyrës nga FBI.
https://www.youtube.com/watch?v=b6xZn3yiSTo
Megjithatë departamentet e policisë janë të fokusuara në mënyrën se si inteligjenca artificiale mund të ndihmojë në reduktimin e krimit.
Përshtati për Tirana Today, Refxhei Tola
Discussion about this post