Apple skanon çdo ditë fytyrat e njerëzve. Duket se perëndimi është përfshirë në një panik.
Teknologjia e re “Face ID” e iPhone X ka shqetësuar disa njerëz të cilët mendojnë se kompania po mbledh fshehurazi një bazë të dhënash me fytyrat e njerëzve dhe identitetet e tyre.
Por çfarë është Face ID ?
Është teknologjia e re e Apple, e cila përdor matje shumë të sakta të fytyrës tuaj për të kontrolluar nëse personi që përpiqet të hyjë në telefon është pronari i saj aktual.
Sikurse Apple ka skanuar shenjat e gishtave tuaj për t’ju lejuar të hapni telefonin deri tani, tani do të skanojë fytyrën tuaj. Dhe këtë e bën vetëm me një shikim, ju shikoni telefonin tuaj dhe ai hapet duke skanuar dhe konstatuar se ju jeni personi i duhur.
Pra, a është Apple duke krijuar një bazë të të dhënave për fytyrat e secilit?
Kjo do të ishte e tmerrshme, padyshim. Por jo. Të dhënat rreth fytyrës tënde kurrë nuk dalin nga telefoni.
Ato ruhen brenda asaj që Apple e quan “Enklava e Sigurt” pjesa e paarritshme e telefonit, e cila mbahet e fshehtë. Ky është i njëjti vend që ruhet TouchID, dhe ju mund ta imagjinoni si diçka të tillë nëntokësore, një kasafortë ku ruhet informacioni më i rëndësishëm dhe i prekshëm.
Discussion about this post