Lamborghini është duke bashkëpunuar me inxhinierë të Institutit të Teknologjisë të Massachusetts-it për të projektuar një super-makinë elektrike që nuk do të ketë bateri.
Në vend të baterisë, do të përdoret si një superkapacitor trupi i makinës Lamborghini Terzo Millennio, e cila tashmë është thjesht koncept. Superkapacitorët ruajnë dhe lëshojnë energji në një mënyrë ndryshe nga ajo e baterive. Ata kanë avantazhe, por edhe mangësi serioze.
Mund të duhen vite që shkencëtarët nga MIT dhe Lamborghini të mund të kapërcejnë këto dobësi. Por përpjekja ja vlen, tha Mauricio Reggiani, kreu i hulumtimit dhe zhvillimit të Lamborghinit.
“Për momentin jemi optimistë,” tha ai.
Edhe bateritë më të mira nuk do të funksionojnë në këtë super-automjet, tha Reggiani, sepse ato janë shumë të rënda. Nëse makina përdor bateri të vogla, për të mos shtuar ngarkesën atëherë nuk do të siguronin performancën maksimale.
“Nëse kam një super makinë sportive dhe dua garoj me të, unë dua të bëj një, dy, tre xhiro pa pasur nevojë të ndalem dhe të rimbush baterinë pas çdo xhiroje”, tha ai.
Në të ardhmen e largët, kjo teknologji ka mundësi të përdoret në shumicën e makinave elektrike. (TIRANA TODAY)
Discussion about this post