Komunikimi me personat që kanë larg, familjarët,miqtë por dhe me ata që ke marrëdhënie pune është gjithmonë dhe më i thjeshtë. Njerëzit në të shumtën e rasteve zgjedhin të komunikojnë në internet me anë të aplikacioneve që kanë shkarkuar në telefonat e tyre. Sot WhatsApp është një nga aplikacionet më të përdorur për sa i përket komunikimit. Ai përdoret jo vetëm për biseda private por edhe për ato në grup, të tilla si sociale, personale dhe profesionale.
Me opsionin më të ri që ka prezantuar WhatsApp i ka dhënë administratorëve të grupeve më shumë kompetenca ku ata do të jenë në gjendje të kufizojnë të gjithë anëtarët e tjerë nga dërgimi i teksteve, fotografive, dhe gjithçkaje tjetër në rast se ata mendojnë kështu.
Cilësimi “Grupet e Kufizuara” mund të aktivizohet vetëm nga administratorët e grupit . Edhe pas kufizimit të anëtarëve të tjerë administratorët do të jenë në gjendje të ndajnë gjithçka që dëshirojnë në grupin e tyre.
Pas kufizimit, anëtarët e tjerë do të kenë mundësi vetëm të lexojnë mesazhe dhe nuk do të jenë në gjendje të përgjigjen. Në rast se ata do të duhet të dërgojnë diçka mund të shtypin butonin “Message Admin” për të postuar një mesazh ose për të ndarë media në grupe, shkruan Scan.
Mesazhi duhet të miratohet nga administratori para se të kalojë tek pjesa tjetër e grupit.
Discussion about this post