Instagrami ka shtuar një veçori të re që shumë prej nesh mund të mos e pëlqejnë. Tashmë, të gjithë përdoruesit mund të shohin se kur ka hyrë një person në Instagram.
Veçoria e re quhet “Activity Status”, që ju ‘spiunon’ dhe që pritet të aktivizohet së shpejti në të gjithë celularët e mençur. Për fat të mirë, kjo veçori zbulon vetëm nëse përdoruesit kanë hapur aplikacionin për njerëzit që kanë shkëmbyer mesazhe të drejtpërdrejta.
Në një mënyrë të ngjashme si WhatsApp, emrat e përdoruesve tani shfaqen në kutinë e miqve me një status si “aktiv tani” ose “aktiv katër orë më parë”, për shembull.
Kjo risi ka shkaktuar reagime negative në mediet sociale, me shumë këshilla se si ta çaktivizoni atë, për të mos u përgjuar nga miqtë tuaj.
Si ta bëni këtë?
Shkoni në profilin tuaj në Instagram, klikoni mbi “settings” dhe keni një opsion “Show activity status”. Çaktivizojeni atë dhe miqtë tuaj nuk do të jenë në gjendje të shohin se kur e keni hapur për herë të fundit aplikacionin në fjalë.
Discussion about this post