Në mes të shtatorit, Parlamenti Evropian miratoi një ligj të ri mbi të drejtën e autorit, të cilin disa e kanë quajtur «ndalim i memeve».
Më pas, mbikëqyrësit e reklamave të Suedisë vendosën që memeja me «të dashurin e shpërqëndruar» është seksiste.
Tashmë, akademikët u kanë thënë ligjvënësve britanikë se memet në internet mund të kontribuojnë në krizën e obezitetit dhe dëmtimin e adoleshentëve në një shkallë të konsiderueshme.
Memet përmbajnë mesazhe të rrezikshme lidhur me shëndetin dhe u japin prioritet zakoneve të pashëndetshme të mënyrës së të ngrënit. Kështu shkruan në një letër hulumtuesit nga Universiteti i Loughborough, dërguar Komisionit Parlamentar britanik.
Një foto me një fëmijë mbipeshë me përshkrimin “Ushqim falas? Më numëro edhe mua!”, u dërgua me letrën si një shembull i memes që hulumtuesit gjetën të rrezikshme.
“Memet e internetit shihen në përgjithësi si zbavitëse, por ato përfaqësojnë gjithashtu një trup të praktikës kulturore që nuk merr parasysh nevojat dhe të drejtat specifike të adoleshentëve”, paralajmëruan studiuesit.
“Mënyra e pashëndetshme e jetesës i kushton NHS (Shërbimit Shëndetësor Kombëtar) miliarda çdo vit dhe mesazhet të papërshtatshme shëndetësore që përçohen nga memet mund të jenë një faktor”, thanë hulumtuesit.
Thirrje për të shqyrtuar memet
Letra iu dërgua një komisioni që analizon efektet e përdorimit të mediave sociale në shëndetin e të rinjve. Autorët e saj sugjeronin që adoleshentët duhet të shqyrtojnë temat themelore të memeve që shohin, në vend që thjesht t’i ‘shijojnë’ ato.
“Është shqetësuese që përmbajtja e memeve në internet prodhon një ndjenjë mbizotëruese të lumturisë, pavarësisht nga imazhi i përdorur”, shkruhet në letër.
“Nëse memet në internet përmbajnë raporte politike apo të tjera pa prioritete të përshtatura për nevojat e 13-16 vjeçarëve, atëherë ata kanë potencial të dëmtojnë në një shkallë më të madhe”.
Hulumtuesit vunë në dukje gjithashtu se “memet kanë potencial të normalizojnë sjelljet e padëshiruara” dhe shpesh “përmbajnë materiale të papërshtatshme, ose tallen me të tjerët në varësi të racës, gjinisë, përkatësisë etnike, formës trupore, fesë, apo dietës”. / Përshtati TIRANA TODAY
Discussion about this post