Ndërkohë që teknologjia përparon dita ditës, kompania Boeing Business Jets është duke ndërtuar një avion tepër luksoz. Supozohet të jetë një ndër avionët privatë më të mëdhenj dhe që do të kryej udhëtime shumë të gjata. Boeing 777X Jetliner do të prodhohet për herë të parë për Shoqatën e Aviacionit të Biznesit në Lindjen e Mesme në Dubai.
Kompania ka zbuluar se do të ketë tre koncepte të dizajnit të brendshëm, nga Greenpoint Technologies, Jet Aviation, dhe Unique Aircraft Design. Ai pritet të jetë në shërbim në vitin 2020, ndërsa një version më i vogël ‘777-8’ pritet të përundohet më herët.
Në brendësi ky avion do të jetë një luks i jashtëzakonshëm, do të ketë një mobilim me 7 yje. Do të ketë dy dhoma gjumi, sallon pritje, një bar, tualet dhe gjithçka që ka një vilë luksoze. Mobilimi duket i jashtëzakonshëm dhe vlera e tij do ë jetë 300 milionë dollarë. Një model i avionit BBJ është ndëruar për tu pasur si model, por ai nuk do të ngrihet asnjëherë në ajër.
Greg Laxton, kreu i Boeing Business Jets tha: “Konsumatorët tanë më ekskluzivë duan të udhëtojnë në hapësira më të mëdha, kërkojnë rehati dhe të fluturojnë direkt në destinacionin e tyre. BBJ e re 777X do të jetë në gjendje të bëjë këtë si asnjë aeroplan tjetër para tij”. TIRANA TODAY
Discussion about this post