Nëse je duke lexuar këtë artikull, me siguri nuk blen më gazeta të printuara, por i lexon lajmet online. Gjithçka po bëhet virtuale. Online mund të marrësh informacionet, të bësh pazar, të prenotosh pushimet, biletën e avionit, të marrësh urimet e ditëlindjes, të studiosh e bëhesh me master, të gjesh një vend pune etj. Që online mund edhe të luash, këtë e dinim, se jemi brezi i Tetris-it dhe Texas Holdem Poker-it, por ajo që s’dinim ishte se paska edhe një kampionat të mirëfilltë lojërash elektronike, pjesë e së cilës mund të bëhen lojtarë nga shumë vende të botës, edhe nga Shqipëria, për të fituar çmime të mëdha.
Turneu i parë i këtyre lojrave online është lançuar tashmë nga Vodafone, në bashkëpunim me kompaninë ESL. Lojtarë nga 17 vendet ku Vodafone operon, përfshirë Shqipërinë, do të kenë mundësinë të bëhen pjesë e këtij kampionati virtual dhe të fitojnë një prej çmimeve, vlera totale e të cilave kap shifrën e 165,000 eurove. Lojërat që do të luhen janë dy nga më populloret në botën online: Asphalt 9: Legends dhe PUBG MOBILE. Nëse doni të dini diçka më tepër rreth turneut apo jeni të interesuar të regjistroheni, vizitoni faqen https://pro.eslgaming.com/mobileopen/home.
“Vodafone 5G ESL Mobile Open” nis në datën 31 maj dhe përmbyllet në 29 shtator 2019 me një finale spektakolare, ku finalistët e të dyja lojrave do të garojnë live nëpërmjet rrjetit 5G nga Vodafone gjatë Milan Games Week me 28-29 Shtator.
Lojërat mund të luhen në telefonat iOS dhe Android. Për fituesit e Asphalt 9: Legends, çmimi do të jetë 14,000 euro, ndërsa për fituesit e PUBG MOBILE, 40,000 euro. “5G ESL Mobile Open” është pjesë e nismës së Vodafone në botën e eSports, apo sporteve online.
Të rinjtë që mbushin sallat e lojërave virtuale në Tiranë kanë tashmë mundësinë të fitojnë para falë pasionit të tyre. Por jo vetëm ata… ky kampionat unik është i përshtatshëm për të gjithë. Dhe mos harroni! Vetëm loja është virtuale, adrenalina dhe çmimet janë reale!
Discussion about this post