Në Singapor është prezantuar një robot me katër këmbë, që ngjan me një qen roje, i cili është vendosur në park për të ndihmuar njerëzit që të ruajnë distancimin fizik në mënyrë që mos të infektohen me koronavirus.
Roboti, i quajtur Spot, u pa të patrullonte në parkun “Bishan-Ang Mo Kio”, duke u siguruar që qytetarët të ruajnë distancimin.
Spot është i pajisur me kamera dhe sensorë, që e ndihmojnë të masë përafërsisht numrin e vizitorëve në park dhe herë pas here bën edhe një lajmërim “qëndroni të paktën një metër larg njëri-tjetrit”.
